Municipalismo dos Comúns. Seminario da Universidade Invisíbel
"Municipalismo dos Comúns" é a aposta da Universidade Invisíbel para o curso 2014/2015 no que estamos.
O seu obxectivo é servir de espazo para a creación de coñecemento sobre o municipalismo e a participación activa da cidadanía no proceso de democratización da xestión no ámbito municipal, xa que este, por ser o máis achegado á cidadanía é onde debera descansar a realidade política á que todas as persoas deberan ter acceso.
Cando e onde
Días: 8 e 9 de Maio
Lugar: Centro Universitario de Riazor (A Coruña)
Durante dous días diferentes, relatores vinculados aos movementos sociais e á academia propoñerán as liñas chave sobre o municipalismo.
Promoveremos ademais a xeración dun debate aberto que esperamos sexa fructífero para o progreso teórico e práctico do municipalismo, dotando a un futuro goberno de todxs e para todxs dun necesario lugar desde o que plantexarse hipóteses e estratexias.
Para que precisamos da vosa colaboración
Para as persoas que vimos contribuíndo con non poucos esforzos a este evento é vital acadar unha pequena fonte de financiación.
Para isto pedimos a túa colaboración e apoio económico; xa que precisamos afrontar uns gastos referidos ás dietas, transportes, publicidade, cartelería...
Pero tamén sería un notábel estímulo para nós saber que desde o outro lado desta pantalla hai persoas xenerosas interesadas por este Seminario, que ademais, están dispostas a facelo posíbel.
Que podedes obtener a cambio
Ademais, queremos recompesar a túa colaboración mediante unha serie de agradecementos que medrarán segundo as cantidades depositadas:
A partir de 5 euros: Mención de agradecemento no libro que se editará cos relatorios presentadas no Seminario.
A partir de 10 euros: Mención de agradecemento e crachá da Universidade Invísibel.
A partir de 30 euros: Mención de agradecemento + crachá + libreta moleskine co carimbo da Universidade Invisíbel
+ Información
Se quedaches con gana de coñecernos mellor ou queres atopar máis información sobre o Seminario, podes pinchar nos enlaces que facilitamos máis abaixo.
IMPORTANTE: se estás interesadx en asistir, podes preinscribirte picando aquí. Facéndoo facilítasnos a organización do evento e axudas a que este se desenvolva nas mellores condición posibles.
Sen máis, recibe un cordial saúdo. Esperamos verte os días 8 e 9 de maio en "Municipalismo dos Comúns. Seminario da Universidade Invisíbel"
0 comments
If you are already a sponsor, please Log in to comment.