❗️ In order to use Verkami you must do it from another browser. Install or enter from: Microsoft Edge, Chrome or Firefox. Microsoft has stopped updating the Internet Explorer browser you are using and it is no longer compatible with most websites.

SOMOS O QUE SOMOS - Primeiro álbum de A Banda Senlleira de Robacallos

Proxecto musical en acústico que mestura diferentes estilos como folk, pop e punk; con letras cercanas, un tono desenfadado e moita enerxía!

Category

Created in

0
seconds
82
Pledges
3.080€
From 2.500€
Contribute to the project
View project in Castellano

Choose your reward

O proxecto

A Banda Senlleira de Robacallos é un proxecto que comezou alá por finais de 2019 coas primeiras ideas e xuntanzas, pero non foi ata xaneiro de 2021 cando acadamos a nosa formación actual; con Bruno Cerviño, Martín Gonzalez e Xulián Santiago. Comézase entón a xerar un proxecto de banda ao cal adicamos moito tempo e esforzo para poder conseguir o mellor resultado posible, a través dun traballado proceso no ámbito musical pero tamén no artístico, audiovisual, etc.

Somos o que Somos, o noso primeiro LP, será o resultado de todo este proceso onde, a través de 7 temas cantados en lingua galega, plasmamos as nosas preocupacións, alegrías e penas nun ton desenfadado, cercano, e con moita enerxía; a través dun formato acústico no cal se empregan diversos instrumentos coma: guitarra acústica, violín, saxofón, melódica, ukelele, diferentes percusións, etc. Desta forma tentamos xerar nunha atmosfera innovadora a través dunha linguaxe natural e traballadas melodías e armonías.

A Banda Senlleira de Robacallos (Bruno, Xuli e Tin)
A Banda Senlleira de Robacallos (Bruno, Xuli e Tin)

O LP tamén nace das nosas diferentes inquedanzas musicais, partindo cada un de nós coa súa particular bagaxe musical de máis de 10 anos. Desta forma, o proxecto mestura elementos de folk con toques de punk, de pop ou de rock.

Que é iso de "Robacallos"?

O noso nome, A Banda Senlleira de Robacallos, fai referencia a un lugar ficticio, Robacallos. A historia deste lugar vén dunha experiencia persoal nosa cando, estando na Ribeira Sacra, comezamos a camiñar cara un pobo de nome similar sen saber nin que era este sitio, nin que había, só polo feito de camiñar cara o descoñecido en boa compañía. Alí non atopamos nada especialmente reseñable, pero o vivido no camiño xerou para nós ese concepto, ese lugar chamado Robacallos, onde o que importa é o camiño, a compañía e as vivencias.

E por iso que, para nós, todo este camiño cara este primeiro álbum é o camiño cara Robacallos, desfrutando de colaborar, crear, rir, chorar e compartir con toda a xente que participou no proceso, sendo este o derradeiro punto do mesmo. Este é o punto no que vos animamos a que vos unades a nós na procura do noso obxectivo, en alcanzar o noso primeiro gran paso con este primeiro álbum: Somos o que Somos.

A que destinaremos as vosas aportacións?

As aportacións que nos fagades serán fundamentais para acadar o noso obxectivo de 2500€. Estes cartos irán destinados aos seguintes fins:

  • Gravación e mezcla das cancións, por La Cortina Roja Estudio (A Coruña).

  • Masterización do álbum, por Mistery Room Mastering (Wisconsin, EEUU).

  • Creación, deseño e fabricación dos CDs.

Correndo nós, ademáis, con múltiples gastos engadidos da banda e de levar a cabo o proxecto.

Recompensas

As recompensas son o noso agradecemento polas vosas aportacións, habendo unha amplia variedade en función das mesmas.

Estas recompensas poderán ser dadas en man ou enviadas por correo (seleccionando a opción de envío na recompensa). Podemos xestionar entregas en man en case todo o territorio de Galicia se vos poñedes en contacto con nós.

De todos modos, a primeira entrega en man será realizada nun evento previsto para finais de verán onde tocaremos todos os temas e no cal esperamos montar unha boa festa de presentación xunto a todos vós!

No caso das camisetas, poderase elexir a cor entre a opción branca ou negra.

+ Info

Para máis info seguídenos nas redes sociais. A través delas manterémosvos informados de todos os progresos e, ademáis, iremos desvelando moitas sorpresas que temos preparadas e toda a información relativa a este o noso primeiro álbum.

Podedes escribirnos calquera dúbida a través de ditas redes sociais ou a través do mail. Estaremos encantados de respondervos e facer que todo sexa o máis doado que esté na nosa man.

Contacto: robacallos@gmail.com

Moitísimas gracias por participar, por compartir e por apoiarnos sempre!
Moitísimas gracias por participar, por compartir e por apoiarnos sempre!

Xa formades parte da familia Robacallos! 💙

FAQ

There are none published yet.

Do you have any other queries or questions?

4 comments

If you are already a sponsor, please Log in to comment.

  • Martmotilla

    Martmotilla

    23 days

    Daaaaaaalle!

  • stopxthink

    stopxthink

    24 days

    Luuuume 🔥

  • Non me entendes o asunto

    Non me entendes o asunto

    about 1 months

    Hai máis bandas senlleiras por aí adiante, pero ningunha fundada nas inclementes rúas de Robacallos.

  • 777_rarara

    777_rarara

    about 1 months

    Inda por riba con mercha xa! A tope!!!

We use our own cookies to provide website functionality and third party cookies to analyze traffic and serve targeted advertisements based on your surfing habits. You can accept all cookies by clicking “Accept” or obtain more information and set your preferences here.