Caracol, cara de col

Cara col cara de col será o segundo título da colección Obxectivo Alambique e a terceira publicación de Baia Fernández.

Un álbum ilustrado no que, a través dunha historia divertida e unhas ilustracións entrañables e coloridas, se pon de manifesto como o poder da aceptación e a autovaloración nos permiten establecer relacións máis sans ademais de activar todo o noso potencial.

Un libro no que están moi presentes a atención á dislexia, os estímulos visuais e tamén o achegamento ao noso idioma podendo contar con un audio libro en galego e castelán.

Axudar a favorecer a aprendizaxe é un dos meus propósitos por iso, nesta ocasión eleximos unha tipografía especialmente deseñada para favorecer a lectura a persoas con dislexia que estará presente en toda a narración. Os diálogos levarán outra tipografía porque o mundo non está feito para nós, os disléxicos, así que propóñoche que nos adestremos con este conto: esforzámonos un chisco nos diálogos e descansamos na narración, que che parece?

O noso querido maquetador, Martinho Picallo tivo a xenial idea de poñer cada diálogo coa cor do becho que fala polo que será moi fácil seguir a historia.

Se tes dificultades visuais mais queres coñecer a historia teño unha boa nova! Podes elexir unha das recompensas: XOANIÑA VOADORIÑA, MIÑOCA MAZAROCA OU ESTRALOQUE que traen consigo un audio-libro para que non te perdas nada do que acontece nesta entrañable aventura. O audiolibro irá en versión galego e castelán.

SOBRE AS AUTORAS

Baia:

Escribo contos onde prima a atención ao emocional e o amor pola lingua e a natureza. Tamén me gusta perderme e atoparme nos versos, a poesía é un recurso para expresarme dende o máis íntimo. Combino esta paixón con outras, como acompañar a persoas no proceso de autocoñecemento como adestradora emocional e facilitadora do Sistema Ludocorporal. Deseño a caracterización de personaxes de teatro e son creadora de contido. Como podes ver a creatividade está moi presente na miña vida e o meu obxectivo é poñela ao servizo dos demais, especialmente das crianzas con dificultades para a lectura coas que me sinto moi identificada. Compartir o que me fai medrar dálle sentido ao meu paso por aquí.

Tania Solla:

O meu amor polo debuxo comezou dende nena ollando os clásicos de Disney. Adoraba plasmar aos protagonistas das miñas películas favoritas sobre o papel. Logo de varios anos indo a clases de debuxo académico, experimentar con varias técnicas e soportes cursei estudos de ilustración. Sentíao coma unha vía para aprender e desenvolver unha linguaxe propia ademais de desenvolver a miña imaxinación, logo de tantos anos tratando de "copiar" a realidade que nos envolve.

Non creo ter un estilo propio, ao igual que na música e a moda, teño gustos moi eclécticos e varían en función do meu estado de ánimo. Gústame adaptar o meu estilo ao que me transmita cada proxecto. Poderíase dicir que, para min a ilustración non é so un traballo, como respoder a un encargo, senón que é un xeito de vida, un modo de expresarme co que hai en cada momento, un lugar onde me sinto realmente libre.

ACTUALIZACIÓN:

• Sorteo: Vaise a sortear unha camiseta aequilibrium diseñada polo artista Xandre Fernández de la Torre entre as 200 primeiras achegas a campaña. Entrarán no sorteo dende a primeira achega que se fixo o Venres 26/05 ata a achega número 200, así que si xa fixeches a túa aportación, tranquila, xa está dentro do sorteo...

Muita sorte a todas!!!!

Nova actualización:

Estou moi contenta coa nova que vos traio!
É algo moi especial para os 200 primeiros mecenas, e dicir, tamén para todos os que xa fixestes a vosa aportación.

Grazas a unha doazón particular de dúas persoas especialistas en sementes conseguín cumplir unha ilusión: que o conto de "Caracol, cara de col" veña acompañado de un sobre de sementes atraentes de insectos tanto polinizadores como combatentes de pragas que favorecen o cultivo ecolóxico.

Que importante é fomentar hortas saas!

Grazas Xandre e Susanna!
É un regalazo para os nosos mecenas!

So para as 200 primeiras aportacións. Dálle, que aínda estás a tempo!!!!

Nova actualización:

Estou moi contenta de anunciar que vamos a repartir sementes entre os primeiros 250 mecenas e que vaise a sortear unha segunda camiseta entre os 250 primeiros mecenas, así que os primeiros 200 terán o dobre de oportunidades de facerse coa camiseta Aequilibrium deseñada polo artista Xandre Fernández de la Torre!

ACERCA DE COMO XESTIONAREMOS VOSAS APORTACIÓNS

As aportacións irán principalmente destinadas á maquetación e impresión do libro, así como aos gastos de ilustración, xestión, estudo de gravación e edición do audiolibro, sen esquecernos do empaquetado e a xestión dos envíos. Por suposto, tamén haberá parte destinada a pagar impostos e demais trámites legais.

Quero axudar a dignificar o traballo das artistas por iso tódalas persoas que participan neste proxecto deben cobrar polo seu tempo e a súa arte. Pídoche que me axudes a logralo!

Especificacións técnicas do libro:

• Número de páxinas:32
• Idiomas: galego
• Tamaño: 225x225mm*
• Papel interior: Cyclus Print estucada mate
• Cubierta: encadernación en tapa dura • Tintas:4x4 (cuatricomía) • Edición certificada FSC (impreso sobre papel fabricado a partir de madeira procedente de bosques e plantacións sostibles) ou FSC Recycled con certificado brancura natural
• Técnica de impresión offset
• Encadernación: Cosida con fío vexetal.
• Impreso localmente en Galicia

CALENDARIO PREVISTO

• Do 26 de maio ao 4 de xullo de 2023: campaña de micromecenazgo (40 días de duración)

• Dende o 4 de xullo de 2023:

  • Impresión da primeira tirada do libro.
  • Producción das recompensas.

• Dende o momento que o libro esté listo, procederemos ao envío dos distintos packs aos mecenas. Estimamos que os libros serán entregados ó longo do mes de agosto de 2023.

OBXECTIVOS ADICIONAIS:

• 7000€ Ambientamos musicalmente o audio libro.

• 8000€ Portada do libro con tacto diferente.

+Info

• Web de Baia Fernández

• Instagram Obxectivo Alambique

• Facebook Obxectivo Alambique