QUEDAN 7 DIAS!!!
Xardín Desordenado é unha reunión de músicos que, hai algún tempo, decidimos achegarnos ás librarías e ás bibliotecas, para gozar da poesía sen solemnidades. Non encontramos mellor modo de apoderarnos dos poemas que convertilos en cancións: swing, blues, bossa... que mostramos logo en auditorios e recintos culturais, pero tamén nos bares e nas rúas. O proxecto consolidouse nun CD sobre textos de poetas homes que xa foi amplamente difundido.
"Aprendendo a ladrar" será o noso segundo disco. Un proxecto que reúne cancións compostas sobre textos de poetas galegas, no que realizamos un percorrido dende Rosalía de Castro ata as autoras contemporáneas. O listado inclúe poetas das últimas décadas: Carmen Krukemberg, Marica Campo, Marta Dacosta, Luz Pichel, Enma Pedreira, Yolanda Castaño, Maria Lado...etc. Ao longo do CD quedan en evidencia as evolucións temáticas e estilísticas da poesía feminina, así como o papel da muller na sociedade. Unha evolución que Xardín Desordenado resume no título "Aprendendo a ladrar" tomado dun poema de Olga Novo, incluído no proxecto.
Como no noso anterior disco,utilizaremos diversos ritmos e climas musicais, acomodándoos ao argumento e talante de cada un dos poemas; a coherencia do proxecto lógrase mediante os arranxos cálidos - que proporcionan os nosos instrumentos acústicos - e mediante as voces de Marlene e Santiago Ferragud.
A QUE DESTINAREMOS AS VOSAS ACHEGAS
A recadación destinarase á gravación e edición do disco: gastos de estudo, mestura, masterización, deseño e fabricación dos CDs
CALENDARIO
Os músicos entraremos no estudo este mes de maio. Durante os meses de maio e xuño realizarase a gravación, mestura e masterización. En paralelo traballarase nas fotos e o deseño do disco. Espérase que todos estes traballos estean listos a finais do mes de xuño, para envialo a fábrica.
1 comment
If you are already a sponsor, please Log in to comment.
Benxamin
En el texto de este enlace aparece OLGA NUEVO.
Por favor ... rectifíquese a OLGA NOVO
"Aprendendo a ladrar" tomado de un poema de Olga Nuevo, incluido en el proyecto.
Como en nuestro anterior disco, utilizaremos diversos ritmos y climas musicales,